Iametzako Eli Pombok hasiera eman dio ekitaldiari, utopiari aipamena eginez: "Ezinezkoa dirudien bide hori egiteak ere nahiko balioa du".

Zein da utopia lortzeko errezeta?

- Etorkizuna guztion artean amestea.

- Guztion ekarpenekin, norabide bat eraikitzea.

- Tokitik, txikitik eragitea.

Burujabetzak lantzen hasi behar dugu. Zergatik? Garai bateko berrikuntzen aurrean, gaur egun, desazelerazioaz, deszentralizazioaz, subiranotasun eta kontrol autonomoaz hitz egiten delako.

Euskal Herrian burujabetza lantzen duten proiektu asko daude. Teknologiaz ez da hainbeste hitz egiten baina zehar-lerro bezala ulertu behar dugu. 

Gaurko jardunaldian, mezu argi bat helarazi nahi dugu: Tokikotasunaren indarra utopia errealitate bilakatzeko.

Euskal Herrian oinarri hori duten ereduak sortzen ari direnez, teknologia burujabetzaren bidean ere urratsak egitea posible da, Euskal Herri digital eta burujabea lortzea posible da.

Pertsonen arteko saretzearen bidez, esperientziak partekatu eta etorkizuneko Euskal Herri digital eta burujabea osatzeko proiektuak irudikatu nahi ditugu, ahalduntzetik ekintzara.

Hiru helburu nagusi ditugu gaur:

• Gaiaren gizarteratzea, kontzientziazioa eta ahalduntzea.
• Euskal Herrian ekimen berriak, pertsona eta erakundeen saretzeak eta harremanak abian jartzea.
• Teknologia eta euskara batzea.