Zer da web-analitika? Web analitika webgune batek jasotako bisiten datuak bildu eta analizatzeko tekniken multzoa da, erabiltzaileen ezaugarriak eta portaera aztertzeko helburuarekin.

Google gure bizitzaren arlo guztietan dago: gmail, Chromebook-ak, gmail, google maps... Guzti honekin erraldoiek gure informazio ugari jasotzen dute. Informazio hori askotan informazio sentikorra da: joera politiko eta sexualak, osasunarekin lotutako gaiak, gure mugimenduak, gure kontaktuak, norekin eta noiz hitz egiten dugun...

Google Analytics-en legezkotasuna zalantzan jartzen ari dira. Datu pertsonalak bidaltzen ditu Ameriketako Estatu Batuetako zerbitzarietara eta AEBetan pribatutasun babesa Europar Batasunean baino askoz txikiagoa da.

Sartzen garen webgunetatik ere datuak jasotzen dituzte: Cookie banerrak, sare sozialetako botoiak...

Honen aurrean, Matomo bezalako tresnak daude. Webguneko datuak aztertzeko aukera ematen du pribatutasuna errespetatuz.

Bitxikeri bezala, Matomo hitzak japonieraz zintzoa, zuzena, ondradua esan nahi du.

Matomoren alde egiteko arrazoiak:

• Software librea da.
• Datuak webguneko trafikoa aztertzeko soilik erabiltzend ira.
• Datuak ez dira Europar Batasunetik irteten.
• Ez dauka datu mugarik.
• Datuak beti %100 benetakoak dira, ez estimazioak.
• Dirulaguntzak Google Analytics-eko datuen arabera eman dira hainbat urtez, tresna hau erabiltzera behartuz.

Gaur egun Matomo hainbat enpresa eta proiektuek erabiltzen dute, besteak beste, ARGIA, Batura, Euskarabildua, Errenteriako Udala, Talaios Koop, Olatukoop, Lakari Kooperatiba eta Iametza.

Matomoren hizkuntza trataeraren inguruan, besteak beste:

• 67 hizkuntzatara ari da itzultzen komunitatea.
• Edozeinek proposatu dezake hizkuntza berri bat.
• Osatze maila aldakorra dauka.
• Software librearen hizkuntza trataera tipikoa dauka: gardentasuna, hizkuntza aniztasuna, komunitatearen parte hartzea...

Laburpen bezala, web analitika gai arrotza da gehiengoarentzat, baina gure bizitzan eragin zuzena du. Horren aurrean, gaia mahaiaren gainean jartzea beharrezkoa da.